मरी तैं भी अमर ह्वे गिन विराट मनख्यात का धनी दौंणी का महावीर सिंह नेगी

मरी तैं भी अमर ह्वेगि दौंणी का महावीर सिंह नेगी

(दीपक कैन्तुरा, देहरादून)

यदि कै तें क्वीं दिक्क हो, क्वीं बीमार हो या कैकू नोनी कु ब्यो च, कै पर नखरी आफत आई च ,  त लोग कखी ना महावीर सिंह नेगी का घर पर जांदा था । पर अब लोगों कु एक सहारु थो सु सहारु अब टूटी गी.. किलेकी सबुकू मददगार और सुख दुख समझण वाला महावीर सिंह नेगी अब दुनिया मा नी रैन.. साधरण परिवार मा जन्मियां स्वर्गीय महावीर सिंह नेगी जीन अपणा जीवन मा  खूब खैरी खैन अर हाड़ तोड़ीक तैं मेहनत करी।

अर अपणी मेहनत अर बुद्धि विवेक का दम पर समाज मा अपणी जग्गा बणे.. जिला टिहरी गढ़लाल का  ग्राम दोणी वल्ली पट्टी ग्यारह गौं का रैंण वाला स्वर्गीय महावीर नेगी  अपणी पढ़ै लिखै का खातिर। मायानगरी मुंबई चलिगिन ..नेगी जी का पिता स्वर्गीय अमरचंद सिंह नेगी विराट व्यक्तित्व का धनी था ..पर महावीर सिंह नेगी का मंडमा सी ऊंका पिता जी कु सायां बच्चपन मा उठीगी थो..अर सारी जिम्मेदारी महावीर सिंह नेगी जी का कंधों मा एगी .. लेकिन महावीर सिंह नेगी अपणी मां अर द्वि छोटा भायों का सहयोग से अपणा जीवन तैं अग्वाड़ी बढ़ाई , अर येकु सफल परिणाम थो की नेगी जी आज हर क्षेत्र मा मजबूती का दगड़ी खड़ा था… अर नेगी जीन अपणी मेहनत लग्न सी खुब नौं कमैं .. किलेकी  की ऊं हर बेहसहारा तैं सारु देंदा था अर जों तों मा जांदू थो सु कभी खाली हाथ लोटिक तैं नी ओंदू थो..यनी क्वी खोला मेला नी होंदा था जैमा महावीर सिंह नेगी जी नी रैंदा था। 

नेगी जी काफी व्यस्त होणा का बाद भी हर दिन आध्यात्मिक राजनैतिक सांस्कृतिक सामाजिक तौर पर जुड़ियां रैंदा था। अर नेगी जी न हर अपणी मेहनत अर लग्न का दम पर मुंबई मा अपणु व्यापार शुरु करी। महावीर सिंह नेगी कु दिनीयों दान पुण्य अर संस्कार आज तौंतें अमर बणोंदू …महावीर सिंह नेगी का आकास्मिक निधन पर ग्राम सभा दोणी एक नई  सोच समिति का समस्त पदाधिकारियों अर कार्यकर्ताओंन ऊंतें भावभीनी श्रद्धांजलिदिनी अर बोली की नेगी जी कु निधन हमारा क्षेत्र तैं बड़ी क्षति च जैंतें कभी पुरु नी किये जै सकदू समिति का अध्यक्ष  कमल पैन्यूली, बरिष्ट उपाध्यक्ष  प्रकाश सिंह नेगी, उपाध्यक्ष  बलवंत सिंह राणा , सचिव उमरावत सिंह रावत , उपसचिव  भगत सिंह राणा कोषाध्यक्ष बीरबल सिंह बिष्ट, उपकोषाध्यक्ष  तिरेपन सिंह नेगी, सयोंजक  विशाल सिंह बिष्ट,  महामंत्री   भगवान सिंह राणा  मुख्यसलाहकार-  लोकमनी पैन्यूली,  मान सिंह बिष्ट,  सौकार  सिंह नेगी, यशवंत सिंह बिष्ट,   गंभीर सिंह राणा,  कुँवार राणा, ,   श्री जीत रावत,  नरेश पैन्यूली,  प्रताप राणा,  विजय राणा,  विनोद सिंह राणा ,  सुरेंदर सिंह राणा, जीत सिंह राणा,  गोविन्द सिंह राणा,  राजेंदर सिंह राणा, सतवीर सिंह नेगी,  प्रमोद सिंह नेगी,  पदम् सिंह राणा, मान सिंह राणा, श्विजेंद्र रावत,   जसवंत सिंह बिष्ट, मिडिया प्रभारी-   विजयपाल राणा  पवन सिंह राणा  प्रशांत सिंह नेगी  अमर सिंह बिष्ट  देवेश्वर प्रशाद पैन्यूली मार्गदर्शक  विजय पाल बिष्ट ,  कैप्टन प्रेम सिंह नेगी  , केदार सिंह राणा  बचन सिंह राणा,  बलवीर सिंह राणा, चन्दन सिंह रावत,  गुलाब सिंह राणा,  सुरवीर सिंह बिष्ट  , अमर  सिंह राणा,   भुबनेश्वर पैन्यूली,  गंगा प्रशाद पैन्यूली, जीतेन्दर पैन्यूली,  विनोद पैनुली,मुकेश उनियाल,  रघुवीर सिंह नेगी,  भरत सिंह राणा,श्री विक्रम सिंह बिष्ट,  योगेश उनियाल,  लाल सिंह नेगी,   यतेंद्र सिंह नेगी,   बीरबल सिंह राणा,    मानवेंद्र सिंह राणा ग्राम प्रधान, भगवान सिंह राणा  समेत तमाम लोगों न दुख जतै अर तौंकि आत्मा की शांति करी अर दगडा दगडी ऊंका मार्गदर्शन पर हिटण की बात बोली अर तोंका अमूल्य योगदान तैं याद करी। रैबार पहाड़ की टीम की तरफ से भी महावीर सिंह नेगी तैं भावभीनी श्रद्धांजलि।

About Post Author