पूरब सिंह राणा का बणांया का खाणा का मुरीद ह्वैन पीएम मोदी-दीपक कैन्तुरा की रिपोर्ट

0
शेयर करें

  •  पूरब सिंह राणा का बणांया का खाणा का मुरीद ह्वैन पीएम मोदी


  टिहरी गढ़वाल का घनसाली ब्लॉक का गोनगढ़ पट्टी लोदस गौं का रेण वाला पूरब सिंह राणा

   उत्तराखण्ड़ का शेफ देश अर दुनिया मा उत्तराखण्ड कु गौरव बढ़ाणा च। अर खूब नौं कमोणा च। देश विदेश का सितारा हो या राजनेता हो हर कैका खाण की रस्याण बढ़ोणा च। ये मामला मा उत्तराखण्ड का शेफों कु क्वी जबाब नी एक बार फिर एक शेफ की तारिफ ह्वे। या तारिफ के औरों न बल्कि देश का प्रधानमंत्री नरेन्द्र मोदी न करी न। असल मा बात या च की प्रधानमंत्री मोदी बित्या दिनों अपणा दौरा थाईलैंड की राजधानी  बौकॉक जांया था। बैकॉक मा उत्तराखण्ड मा दुनियाभर का शेफ च। पर प्रधानमंत्री मोदी जी कु खाणा बणोण कु जिम्मा टिहरी गढ़वाल का घनसाली ब्लॉक का गोनगढ़ पट्टी लोदस गौं का रेण वाला पूरब सिंह राणा तैं द्ये गी । जब प्रधानमंत्री मोदी ने खाणु खाई अर वैकी रस्याण चाखी त ऊं ऊंका खाणा का दिवाना ह्वेगिन । ऊंन वेटर से पुछी खाणु कैन पकै । वे शेफ तैं बुलावा । तौन शेफ तैं बुलेक शेफ की पीठ थप- थपै सबासी दिनी   फोटो खिचाईं और क्य बोली प्रधानमंत्री न त सुणा पूरब राणा का ऊंका मुख  सी

  पूरब सिंह राणा पिछला 15 सालों सी थाईलैंड़ की राजधानी बैकॉक का फाईव स्टार होटल मा काम करणा च । औंन बोली की ऊंका होटल लैन का जीवन का सफर मा 22 मा ऊ सबसी बडु अर ऐतिहासिक दिन थौ दिन थौ जब ऊंन देश का प्रधानमंत्री नरेन्द्र मोदी तैं अपणा हात कु बणांयूं कु खाणु खिले। उत्तम राणा बोलदन की मोदी जीन मैं पुछ्यों आप कखा का रेण वाला च ऊंन बोली देवभूमि उत्तराखण्ड का टिहरी गढ़वाल का रेण वाला च यें सुणिक तैं मोदी जी गदद ह्वेगिन । इथगा ही ना पूरब सिंह राणा का गौं वाला भी पीएम मोदी सी उत्तम की मुलाकात सी भौत खुश च ये पर ऊंका गौं का प्रधान कु  वालों कु क्य बोलणु च यु भी सुणा

  कभी पाड़ का लोगों की होटल लैन मा नोकरी कन मजबूरी थै। आज वा पाड़ियों की पछ्याण बणिगी आज पाड़ का शेफों की दुनियां मा मांग च । विदेश यात्रा पर मोदी जी जै देश मां जांदन त वख क्वी न क्वीं पाड़ी शेफ ओंतैं खाणु बणोंदू। आज पाहाडियों तैं होटल लैन न रोजगार ही ना बल्कि दुनिया का नक्शा पर पहचान दिलै युही सफल उदाहरण च की आज मोदी देवभूमि का लोगों का दिवाना ना बल्कि ऊंका पकाया खाणा का भी दिवाना च । होटल लैन सी जुडयां तमाम पाड़ी भै बंद उत्तराखण्ड की संस्कृति की पछ्याण का दगडी खाणे की रस्याण उत्तम सिंह राणा जना लोगों की बदोलत मिलणी च। अर आज पाडी शेफों कु दुनिया मा अपणी शाख अर धाक च  प्रधानमंत्री का दगडी देश विदेश का नामी लोग पाड़ी शेफो का पकांया खाणा का मुरीद च।

 

About Post Author

Leave a Reply

Your email address will not be published.

You may have missed

रैबार पहाड़ की खबरों मा आप कु स्वागत च !

X