देश दुनिया मा छेगी-टिहरी की धाकड़ बेटी दिव्या नेगी,संसद भवन से लेकी गों-गों मा चर्चा ह्वेगी:देखा :Video

0
शेयर करें

दीपक कैन्तुरा ,रैबार पहाड़ का

सोशल मीडिया पर फिर छेगी—-टिहरी की दिब्या नेगी
अपणी पहाड़ी भेषभूसा अर धाकड़ अंदाज मा उत्तराखण्ड़ की बेटी दिव्या नेगी कू नेशनल यूथ पार्लियामेंट फेस्टिवल मा दिए गी भाषण सोशल मीडिया पर तेजी सी वायरल होंणा का साथ लोकप्रीय भी होंणू च अपणा भाषण मा दिव्या नेगी न भारत की वसुदैव कुटुंबकम परंपरा तैं विशेष रुप सी रेखाकिंत करी,कार्यक्रम मा ठेट पहाड़ी अंदाज मा मांग टीका गुलबंद अर साड़ी पैरिक तैं संसद भवन मा जैक दिव्या नेगी न जु भाषण दिनी सु हर उत्तराखण्ड़ी की जुकड़ी मा छपी गी,दिव्या बतोदी की ऊंन द्वि दिन तक यू ट्यूब पर साड़ी पैरण सिखी थो, अर आज देश सी लेकी विदेश तक दिव्या कु भाषण तेजी सी लोकप्रीय होणू च। रैबार पहाड़ का न्यूज पोर्टल तै दिव्या नेगी बतै की उत्तराखण्ड़ कू प्रतिनिधित्व करण मैंते गर्व कू झण थो ,अर ये कार्यक्रम मा दिव्या का अलो 28 प्रेश का वक्ता भी शामिल था। मूल रूप से टिहरी जिले के थौलधार ब्लाक का सोनार गांव की रैण वाली दिव्या नेगी का भाषण सुणिक तैं केन्द्र का मंत्री भी हकदक रेगिन जब ठेठ पहाड़ी भेष भूषा अर भाषण शानदार अग्रेजी भाषा मा दिनी दिव्या का भाषण सी केन्द्रीय मंत्री इथका प्रभावित ह्वेन की ऊंन दिव्या नेगी कू संसद भवन मा सम्मान करी, अर आज दिव्या नेगी कु भाषण हर कैका वटसफ फेसबुक अर स्टेटस पर दिखेणु च , दिल्ली सी लोटणा का द दिव्या नेगी अपणा गौं गै अर दिव्या न अपणी ठेठ पहाड़ी अंदाज मा 58 सैकेंण्ड़ कू वीडियों बणाईयू वीड़ियों भी तेजी वायरल अर लोकप्रीय होंणू च अर दिव्या नेगी तैं सबासी मिलणी च। सबासी मिलू भी किले नी एक गौं की बेटीन प्रदेश कु नौं देश मा रोशन करी अर दिव्या नेगी सी तों तैं भी प्रेरेणा लिनी चेंदी जु सिर्फ स्टेटस लगेग तैं अफू तैं पहाड़ी बथोणा च अर पहाड़ी ब्वन अर पहाड़ी भेषभूषा पहन मा शर्मांदा च अर सिर्फ स्टेटस लगेक तैं अफु तैं पहाड़ी बतोंदा, दिव्या नेगी का ये ऐतिहासिक अर सहरानीय कार्य का वास्ता रैबार पहाड़ की टीम दिव्या का उज्जवल भविष्य की कामना करदी।

About Post Author

Leave a Reply

Your email address will not be published.

You may have missed

रैबार पहाड़ की खबरों मा आप कु स्वागत च !

X